Gatekna tuladha ngisor iki!
Wara-wara
Wulangan basa Jawa ing kelas wolu, keprungu swara lawang
dithothok. Pak Harjo sing lagi ngasta ing kelas nuli noleh asale suara. Katon ing kono Astuti lan kancane telu. Bocah
telu iku nyuwun palilah arep menehi wara-wara ing kelas wolu A.
Astuti :
|
"Nuwun sewu Pak, keparenga kula nyuwun idi palilah badhe nyukani
wara-wara dhateng kanca-kanca kelas wolu A. (Patrap: Ngadeg jejeg tangan
ngapurancang, ulat sumeh.)
|
Pak Harja :
|
"Oh iya Mbak. Mangga, Bocah-bocah padha digatekake iki kancamu
arep menehi wara-wara."
|
Astuti :
|
"Sugeng siyang kanca-kanca. Kepareng aku nyuwun kawigatenmu
sedhela marang kanca-kanca pengurus OSIS ing kelas wolu A yen mengko sawise
rampung pasinaon dak suwun kumpul ana ing ruang OSIS saperlu ngrembug
kegiyatan kanggo mapag dina kamardikan RI sing kaping 69. Mangkono wara-wara
saka aku sakanca awit kawigatene aku ngaturake matur nuwun." (Patrap:
Ngadeg jejeg tangan ngapurancang, ulat sumeh)
|
Sakwise rampung anggone menehake wara-wara Astuti lan
kancane banjurngaturake panuwun marang Pak Harjo, guru kang ngasta ing kelas
wolu A. Bocah telu nyuwun pamit kanthi sopan.
Kanggo njaluk kawigaten, bisa nggunakake tetembungan:
-
Ayo digatekake
-
Gatekna
-
Ayo nggatekke
-
Mangga dipungatosaken
-
Nyuwun kawigatosanipun
Gawea ukara nyuwun kawigaten kanthi wara-wara yen para
pemudha lan pemudhi ing desamu arep nganakake Kerja Bakti. Resik-resik
lingkungan.
Kok tulis ana kertas banjur dikirim lewat Google Clasroom.
Utawa kok tulis langsung ana pesan..Google classroom
