Pantai Baron  

Pantai Baron minangka obyek wisata sing awujud pantai sing dumunung ing Desa Kemadang, Kecamatan Tanjungsari, Kabupaten Gunungkidul.  Lokasi Pantai Baron kira-kira 40 km saka pusat kutha Yogyakarta. Jeneng Pantai Baron asale saka jeneng bangsawan Walanda sing jenenge Baron Skeber. Aristokrat sepisan sing numpak kapal kang labuh ing pesisir kidul sing saiki dikenal minangka Pantai Baron. Dalan menyang Pantai Baron cukup becik diliwati kendharaan pribadi, motor lan bis.
    Objek pariwisata Pantai Baron yaiku pantai sing dadi cekungan utawa teluk. Kaya pantai liyane, ing Teluk Baron ana macem-macem iwak segara lan masakane. Iwak sing biasane didol ing Pantai Baron yaiku urang windu, kakap, bawal putih lan tongkol .   

Pantai Baron nduwe fasilitas kanggo lelang iwak, dolanan bocah, kapal bermotor, lan toko souvenir. Woh sirkaya, pisang sungu, sirsat, lan  macem-macem cindera-mata sing digawe saka cangkang segara. Cindera-mata saka cangkang sing akeh didol ing Pantai Baron yaiku bros, tirai, lampu hiasan, pengilon kanthi wengku sing digawe saka karang, pigurah, lan macem-macem kewan sing uga digawe saka cangkang segara.
      Upacara sedekah segara minangka upacara sing isih ditindakake dening masyarakat Gunungkidul. Pantai Baron minangka salah sawijining papan kanggo nganakake upacara sedekah laut. Upacara sedekah laut dianakake saben Syuro ing tanggalan Jawa. 

   Upacara sedekah laut dianakake minangka wujud rasa syukur amarga akehe iwak sing bisa dicekel para nelayan ing Teluk Baron. Biyen umume pendhudhuk ing Pantai Baron dudu nelayan nanging petani sing nandur kebon. Sawise ana wong sing miwiti mancing ing pantai lan entuk iwak akeh, mula akeh warga sing ngetutake wong kasebut kanggo nyekel iwak. Saya suwe saya sithik iwak ing pantai. Banjur penduduk nyoba nyekel iwak ing tengah segara nganggo prau kayu. 

    Anane kapal ing pesisir Baron amarga ing sawijining dina ana tragedi nelayan sing nalika mancing ing tengah segara disamber hiu, kabar iki nyebar ing endi wae lan nggawe pamrentah nyumbang kapal kanggo nelayan Baron. 

(Teks diterjemahke saka teks ana ing Wikipedia saka bahasa Indonesia dadi basa Jawa, dening bu Etik.)

Jawaben Pitakon ing ngisor iki!

1. Teks wacan ing dhuwur iku termasuk jinise teks .....

2.  Ana ngendi prenahe pantai Baron iku?

3.  Saka ngendi asale jeneng pantai Baron iku?

4. Fasilitas apa wae sing ana ing pantai Baron?

5. Iwak apa wae sing didol ing pantai Baron?

6. Apa sebabe pamrentah nyumbang kapal kanggo nelayan pantai Baron?