Taun Ajaran Anyar
Jam pitu kurang selawe menit, plataran MTs Al Furqon isih
sepi. Ora adoh saka ruang kelas VII ana bocah loro padha bareng mlaku tumuju
kelas. Sinambi mlaku bocah loro mau padha tetepungan.
Salah sawijine bocah mau, sing jenenge Mahmudin takon marang
bocah sijine, “Ditepungke jenengku Mahmudin. Aku saka SD Pajangan. Jenengmu
sapa?”
“Aku Fatimah, saka SD Pleret,”jawabe.
“Aku kelas pitu, kowe kelas pira?”
“O, aku kelas pitu B.”
“Aku kelas pitu A.”
Bocah loro mau banjur marani Bapak Kepala Sekolah sing wis
Jumeneng ana ngarep kelas diampingi Guru para nyalami para siswa sing padha
teka.
"Wah, sragam
anyar iki siswa anyar ya?” Bapak Kepala Sekolah ndangu marang boah loro iku.
“ Kelas pitu apa, Mas?”
"Kula kelas pitu A, Pak!"
"Sapa jenengmu, Mas?"
"Ndherek
nepangaken nama kula Mahmudin, Pak!"
"Ya. Kana enggal nggoleki kelase dhewe-dewe!"
"Inggih, Pak.
Matur nuwun. Pareng, Pak!"
"Iya-iya."
"Yen mbake iki kelas pitu apa ya?"
"Kula kelas pitu
B, Pak!"
"Kelas pitu B, kelase ig sisih lor kae! Sapa jenengmu
Mbak?"
"Nama kula Fatimah, Pak!"
"Ya kana enggal
tumuju kelas!"
"Inggih Pak!"
Ora let suwe keprungu bell kemlonthang minangka tandha wiwiting piwulangan. Bapak kepala sekolah
sarta bapak ibu guru nuli nuju plataran sekolah saperlu tata-tata kanggo upacara
pembukaan Pengenalan Lingkungan Sekolah utawa PLS kanggo siswa kelas pitu. Para
siswa uga wis --mlumpuk ing plataran sekolahan. Let sedhela upacara gendera
kanggo pambukaning kegiatan PLS nuli kawiwitan. Sing minangka Pembina upacara
dina iku Bapak Kepala sekolah.
